Dövlət xidmətlərini hər biriniz üçün daha rahat, sürətli və əlçatan etmək məqsədilə yenilənmiş “mygov” mobil tətbiqini diqqətinizə təqdim edirik
08 oktyabr 2026 | 09:24
Hörmətli sakinlər və dəyərli vətəndaşlar!
Dövlət xidmətlərini hər biriniz üçün daha rahat, sürətli və əlçatan etmək məqsədilə yenilənmiş “mygov” mobil tətbiqini diqqətinizə təqdim edirik. Artıq növbələrdə vaxt itirmədən, idarə və müəssisələrə getmədən bir çox vacib sənədləri və xidmətləri birbaşa mobil telefonunuzdan əldə edə bilərsiniz.
“mygov” tətbiqi sizə nə qazandırır?
“mygov” tətbiqi sizə nə qazandırır?
Bütün vacib sənədlər elektron formada yanınızda:
Bütün vacib sənədlər elektron formada yanınızda:Şəxsiyyət vəsiqəniz, sürücülük vəsiqəniz və nəqliyyat vasitənizin texniki pasportu mobil tətbiqdə hər zaman əlinizin altındadır.
Avtomobil etibarnamələri və cərimələr haqqında məlumatları anında izləyə bilərsiniz.
Pensiyaçılarımız üçün xüsusi güzəştlər və endirimlər:
Pensiyaçılarımız üçün xüsusi güzəştlər və endirimlər:Tətbiqdə olan “Sosial Tərəfdaş kartı” (QR və ya barkod) vasitəsilə pensiyaçılarımız tərəfdaş şəbəkələrdə, apteklərdə və mağazalarda xüsusi endirimlərdən və güzəştlərdən yararlana bilərlər. Alış-veriş zamanı kassada telefondakı barkodu göstərmək kifayətdir!
Tibbi məlumatlar və arayışlar:
Tibbi məlumatlar və arayışlar:Sağlamlıq haqqında tibbi arayışlar, analizlərin laboratoriya nəticələri, elektron xəstəlik vərəqələri (E-bülleten), peyvənd məlumatları və reseptlər – hamısı tətbiqin “Sağlamlıq” bölməsində yer alır.
Hətta övladlarınızın da tibbi analiz və peyvənd göstəricilərini rahatlıqla baxa bilərsiniz.
Arayışlar və əmək məlumatları:
Arayışlar və əmək məlumatları:İş yeri arayışı, məhkumluq arayışı, subaylıq/ailə tərkibi, fərdi şəxsi hesab və özünüməşğulluq proqramı haqqında rəsmi sənədləri saniyələr ərzində əldə etmək mümkündür.
Qeydiyyatdan necə keçmək olar?
Qeydiyyatdan necə keçmək olar?Tətbiqdən istifadə etmək və qeydiyyatdan keçmək çox sadədir:
Mobil tətbiqi yükləmək üçün aşağıdakı şəkillərdə yer alan QR kodu telefonunuzun kamerası ilə skan edə bilərsiniz.
Böyüklərimizə və təcrübəsi az olan sakinlərimizə tətbiqi yükləməkdə və qeydiyyatdan keçməkdə övladlarının və ya yaxınlarının köməklik göstərməsini xahiş edirik.
Hər bir vətəndaşımızı bu rahatlıqdan yararlanmağa çağırırıq!
Rəqəmsal imkanlardan birlikdə yararlanaq!
Keçidlər
