Birinci Qarabağ müharibəsində itkin düşdüyü hesab edilən və 2024-cü ildə şəxsiyyəti müəyyənləşdirilən Vaqif Sərdar oğlu Alıyev Gəncə şəhər Şəhidlər Xiyabanında dəfn edilib
27 sentyabr 2024 | 17:56
Birinci Qarabağ müharibəsində itkin düşdüyü hesab edilən və 2024-cü ildə şəxsiyyəti müəyyənləşdirilən Vaqif Sərdar oğlu Alıyev Gəncə şəhər Şəhidlər Xiyabanında dəfn edilib.
V.Alıyev 1966-cu il mayın 25-də Qoşabulaq kəndində anadan olub, Qoşabulaq kənd 1 nömrəli tam orta məktəbini bitirib, 1984-1985-ci illərdə hərbi xidmət keçib. 1992-ci ildən Gəncə şəhərində Daxili Qoşunların “N” saylı hərbi hissəsində baş gizir rütbəsi ilə hərbi fəaliyyətini davam etdirib. V.Alıyev Birinci Qarabağ müharibəsi zamanı Ağdərə rayonunun Sırxavənd kəndində döyüş əməliyyatını yerinə yetirərkən 1992-ci ildə şəhidlik zirvəsinə ucalıb.
Uca Tanrıdan şəhidlərimizə rəhmət, onların ailələrinə güc və səbr diləyirik!
Keçidlər
