17.10. 2015-ci il tarixdə Gədəbəy rayonunun Nərimankənd kəndinə təbii qaz verilişinin açılışı olmuşdur.

Tədbirdə rayon İcra Hakimiyyətinin başçısı Ramiz Yediyarov,   Şəmkir  regional Qaz İstismar İdarəsinin nümayəndəsi Orucəli Məmmədov, rayonun hüquq-mühafizə orqanlarının rəhbərləri, kənd sakinləri və KİV nümayəndələri iştirak etmişlər.
Tədbiri giriş sözü ilə açan rayon İcra Hakimiyyətinin başçısı Ramiz Yediyarov Azərbaycan Respublikasının möhtərəm Prezidenti cənab İlham Əliyevin diqqət və qayğısı ilə bütün respublikamızda olduğu kimi Gədəbəy rayonunda da geniş tikinti-abadlıq işləri aparıldığını, bir-birinin ardınca rayonun kəndlərinin qazlaşdırıldığını     və yaxın günlərədə rayonun Parakənd kəndinədə   təbii qaz veriləcəiyini  qeyd etmişdir.  Tədbirdə kənd sakinii   Sahib Hüseynov çıxış edərək kəndə təbii qaz verilişinə görə Azərbaycan Respublikasının Prezidenti cənab İlham Əliyevə minnətdarlıqlarını bildirmişlər.
Tədbirdə Şəmkir  regional Qaz İstismar İdarəsinin nümayəndəsi Orucəli Məmmədov   çıxış edərək 210 abonenti olan kəndinin qazlaşdırılması üçün birpilləli sistem əsasında ümumi uzunluğu 3 min 517 metr müxtəlif diametrli polietilen və ümumi uzunluğu 18 min  500 metr müxtəlif diametrli metal borularla daşıyıcı və məhəllədaxili qaz xətləri çəkilib, 210 ədəd sayğac və fərdi tənzimləyici quraşdırılmışdığını bildirib bə sakinləri kəndə təbii qaz verilişi ilə əlaqədar təbrik etmişdir.
Tədbirin sonunda rayon İcra Hakimiyyətinin başçısı Ramiz Yediyarov Şəmkir  regional Qaz İstismar İdarəsinin nümayəndəsi Orucəli Məmmədov   ilə birlikdə kəndə təbii qaz verilişinin rəmzi əlaməti olan məşəli yandırmışlar.