8 mart Beynəlxalq Qadınlar Günü münasibətilə tədbir keçirilib.

07 mart 2013-cü il tarixdə saat 11:00-da Gədəbəy rayonu İcra hakimiyyəti başçısı aparatının iclas zalında 8 mart Beynəlxalq Qadınlar Günü münasibətilə tədbir keçirilib. Tədbiri giriş sözü ilə açan rayon İcra hakimiyyətinin başçısı, cənab R.Q.Yediyarov  8 mart qadınlar bayramı münasibətilə iştirakçıları və onların şəxsində rayonun bütün qadınlarını təbrik etdi. Son illər ölkəmizdə və rayonumuzda qadınlara göstərilən yüksək diqqət və qayğıdan danışdı, onların ictimai-siyasi fəallığını, rayonun sosial-iqtisadi və mədəni həyatında rolunu yüksək dəyərləndi.
Gədəbəy rayonu İcra hakimiyyəti başçısı aparatının məsləhətçisi-psixoloqu Sevinc Həsənova məruzə ilə çıxış etdi. Tədbirdə rayon qadınlar şurasının sədri  Mətanət  Hüseynova  qadınlara göstərilən diqqət və qayğıya görə ölkə Prezidentinə öz minnətdarlığını bildirdi. Rayonun ictimai-siyasi həyatında  fəal iştirak edən bir qrup qadınlara qiymətli hədiyyələr və fəxri fərmanlar təqdim olundu.
Sonda 01 fevral 2006-cı il tarixdə Azərbaycan Respublikasının Prezidenti cənab İlham Əliyev və xanımı Mehriban Əliyevanın Gədəbəyə səfəri zamanı evində qonaq olduğu Slavyanka kənd sakini Mariya Vasilenkovanın yaşadığı evində ona baş çəkilmiş və rayon  İcra hakimiyyəti başçısı  tərəfindən 8 mart Beynəlxalq Qadınlar Günü münasibətilə  hədiyyə təqdim olunmuşdur.