Gədəbəy rayonunda 15 iyun Milli Qurtuluş Günü qeyd edildi
15 iyun Milli Qurtuluş Günü Gədəbəy rayonunda da böyük təntənə ilə qeyd edildi. Tədbir Ulu öndərin abidəsi önünə gül-çiçək dəstəsi düzülməsi ilə başlandı.
Qurtuluş günü münasibətilə Heydər Əliyev Fondunun dəstəyi hesabına yeni tikilmiş 100 yerlik uşaq bağçasının açılışı da oldu. Uşaq bağçasının açılışında çıxış edən rayon icra hakimiyyətinin başçısı Ramiz Yediyarov yeni bağçanın tikintisi ilə bağlı bağçanın pedaqoji kollektivini və eyni zamanda valideyinləri təbrik etdi.
Sonra bayram tədbiri Gədəbəy aşıq musiqi məktəbinin iclas zalında davam etdirildi. RİH başçısı Ramiz Yediyarov Respublikamızda və eləcə də Gədəbəy rayonunda aparılan abadlıq-quruculuq işləri haqqında məlumat verdi. Tədbirin sonunda Şuşa musiqili teatrı konsert proqramı ilə geniş çıxış etdi.
