Gədəbəy rayonunda Ədliyyə işçilərinin peşə bayramı münasibətilə tədbir keçirilmişdir

21 noyabr 2014-cü il tarixdə Gədəbəy rayonunda Ədliyyə işçilərinin peşə bayramı münasibətilə tədbir keçirilmişdir, Tədbir iştirakçıları öncə  Mərkəzi parkda  ucaldılmış Ümummilli Liderimiz Heydər Əliyevin abidəsi önünə tər çiçəklər düzərək, Onun əziz xatirəsini ehtiramla yad etdilər.
Tədbirdə Gədəbəy  Rayon İcra Hakimiyyətinin başçısı cənab Ramiz  Yediyarov çıxış edərək Ədliyyə işçilərini təbrik edərək bildirmişdir ki, Azərbacanda ədliyyə sisteminin xalqımızın müstəqillik uğrunda mübarizəsini, onun şanlı keçmişini əks etdirən zəngin tarixi vardır. Azərbaycan yenidən dövlət müstəqilliyi əldə etdikdən və Ümummilli Lider Heydər Əliyev ölkə rəhbərliyinə gəldikdən sonra ədliyyə orqanlarının işinin müasir tələblər səviyyəsinə qaldırılması üçün əsaslı tədbirlər həyata keçirildi, Ədliyyə Nazirliyinin cəmiyyətdə rolu və əhəmiyyəti artdı, səlahiyyət dairəsi genişləndi. Ədliyyə işçilərində və hakimlərdə mənəvi stimul yaradılması məqsədilə onların peşə bayramı gününün müəyyən edilməsinə təşəbbüs göstərilərək 22 noyabr - 1918-ci ildə Azərbaycan Demokratik Respublikası Ədliyyə Nazirliyinin Əsasnaməsinin təsdiq edildiyi günün ədliyyə işçilərinin peşə bayramı günü kimi təsis edilməsi üçün dövlət başçısına müraciət edilmiş və Ulu Öndər Heydər Əliyevin 11 noyabr 2000-ci il tarixli Sərəncamı ilə 22 noyabr ədliyyə işçilərinin peşə bayramı günü kimi müəyyən edilmişdir. Sonra Gədəbəy Rayon məhkəməsinin sədri Ceyhun Əhmədov çıxış edərək Ədliyyə işçilərini bu bayram münasibətilə təbrik etdi və ölkə Prezidenti Cənab İlham Əliyevə yaradılmış bütün kömək və dəstəkliyə  görə öz təşəkkürünü bildirdi. Daha sonra RİH başçısı tərəfində Ədliyyə işçilərinə fəxri fərmanlar təqdim olundu.