Kəndlərdə səyyar görüşlər davam etdirilir
Gədəbəy Rayon İcra Hakimiyyətinin başçısının səlahiyyətlərini icra edən Natiq Nağıyev növbəti dəfə vətəndaşlarla səyyar görüş keçirib.
Natiq Nağıyev görüşdən öncə Miskinli kəndində Azərbaycan Respublikasının ərazi bütövlüyü uğrunda şəhid olmuş Qəhrəman oğullarımızın əziz xatirəsinə ucaldılmış memorial abidə kompleksini ziyarət edib.
Görüş Səbətkeçməz kəndində keçirilib. Səyyar görüşdə RİH-nin məsul əməkdaşları, aidiyyəti idarə, müəssisə, təşkilat və xidmət sahələrinin rəhbərləri və kənd sakinləri iştirak ediblər.
Görüşdə vətəndaşlar kənddə enerji təchizatının yaxşılaşdırılması, internet xəttinin çəkilməsi, Miskinli-Çaldaş avtomobil yolunun asfaltlaşdırılması və şəxsi məsələlərlə bağlı müraciətlərini səsləndiriblər.
Vətəndaşların müraciətləri nəzarətə götürülüb və onların həlli ilə bağlı aidiyyəti vəzifəli şəxslərə müvafiq tapşırıqlar verilib.
Qeyd edək ki, vətəndaşlarla səyyar görüşlər bundan sonra da mütəmadi olaraq keçiriləcək.
